Konfrans Liqasında 1/4 final cütlükləri məlum oldu

UEFA Konfrans Liqasında 1/4 və 1/2 final mərhələlərinin püşkü atılıb.

Futbolxeber.az saytının məlumatına görə, İsveçrənin Nyon şəhərində keçirilən püşkatma mərasimində 1/4 finaldakı cütlərlə yanaşı, yarımfinalda üz-üzə gələcək potensial rəqiblər də bəlli olub.

Türkiyənin “Fənərbaxça” klubu 1/4 finalda Yunanıstan təmsilçisi “Olimpiakos”la qarşılaşacaq.

1/4 final

“Brügge” (Belçika) - PAOK (Yunanıstan)

“Olimpiakos” (Yunanıstan) - “Fənərbaxça” (Türkiyə)

“Aston Villa” (İngiltərə) - “Lill” (Fransa)

“Viktoriya” (Çexiya) - “Fiorentina” (İtaliya)

Yarımfinal

“Aston Villa” - “Lill” cütünün qalibi / “Olimpiakos” - “Fənərbaxça” cütünün qalibi

“Viktoriya” - “Fiorentina” cütünün qalibi / “Brügge” – PAOK cütünün qalibi

Qeyd edək ki, 1/4 final mərhələsinin oyunları aprelin 11-i və 18-də, yarımfinalın matçları isə mayın 2-də və 9-da keçiriləcək. Final görüşü mayın 29-da Afinadakı “Ayasofiya” stadionunda olacaq.