Keçən dəfə ikisinə 14, bu dəfə hərəsinə 4

Azərbaycanın 17 yaşadək futbolçulardan ibarət millisi 2026/2027 mövsümündə Avropa çempionatının seçmə mərhələsində ikinci oyununu keçirib.

Futbolxeber.az saytının məlumatına görə, Emin Mustafayevin baş məşqçi olduğu komanda Şimali İrlandiya qarşılaşıb. Görüş rəqibin 4:0 hesablı qələbəsi ilə başa çatıb. İlk matçında Almaniyaya 0:7 hesabı ilə uduzan yığmamız 2 turdan sonra xal üzünə həsrətdir və qrup sonuncusudur.

U-17 qrupdakı son matçını noyabrın 17-də Litva seçməsinə qarşı keçirəcək.

19 yaşadək futbolçulardan ibarət Azərbaycan millisi isə Avropa çempionatının seçmə mərhələsinin II raundunda bu dəfə Serbiya ilə üz-üzə gəlib. Qarşılaşma rəqibin qələbəsi ilə bitib - 4:0.

U-19 ilk matçında Monteneqroya 2:7 hesabı ilə uduzmuşdu. 2 turdan sonra U-19 da xal üzünə həsrətdir və qrupda sonuncudur.

U-19 qrupdakı son matçında noyabrın 17-də Farer adaları ilə qarşılaşacaq.