“Fənərbaxça”nın yeni baş məşqçisi müəyyənləşdi

Türkiyənin “Fənərbaxça” klubunun yeni baş məşqçisi müəyyənləşib.

Futbolxeber.az saytının ürkiyə mətbuatına istinadən verdiyi məlumata görə, İstanbul klubunun Serjio Konseysao ilə apardığı danışıqlar müsbət yekunlaşıb. Portuqaliyalı mütəxəssis artıq İstanbula dəvət edilib. Onun tezliklə Türkiyəyə gələcəyi və rəsmi müqaviləyə imza atacağı gözlənilir.

Məşqçilik karyerasına 2012-ci ildə “Olhanense”də başlayan Serjio Konseysao daha sonra “Akademika Koimbra”, “Braqa”, “Gimarayş” və “Nant”da çalışıb.

Portuqaliyalı məşqçi ən böyük uğurlarını “Porto”da qazanıb. “Əjdahalar”ı 7 mövsüm çalışdıran Konseysao bu müddətdə 3 dəfə ölkə çempionluğunu, 4 dəfə ölkə kubokunu, 3 ölkə Superkuboku və 1 dəfə də ölkə Liqa Kuboku qazanıb.

“Porto” ilə ümumilikdə 11 kuboka sahib çıxan 51 yaşlı mütəxəssis 2024-cü ilin dekabrında “Milan”la anlaşıb. “Qırmızı qaralar”la İtaliya Superkubokunu qazanan Konseysao 2025-ci ilin mayında vəzifəsindən ayrılıb. Portuqaliyalı məşqçinin son iş yeri bu ilin iyununda vidalaşdığı Səudiyyə Ərəbistanının “Əl-İttihad” klubu olub.