Berdiyev məğlubiyyəti şərh etdi

"Bu gün "İmişli" layiqli qələbə qazandı. Standart vəziyyətlərdən çəkinirdik, elə standart vəziyyətlərdən də qol buraxdıq. Hansı ki, bu məsələlər üzərində işləmişdik. Amma qol buraxdıq. Əldə etdiyimiz azsaylı qol imkanlardan istifadə edə bilmədik".

Futbolxeber.az saytının məlumatına görə, bu sözləri "Turan Tovuz"un baş məşqçisi Kurban Berdiyev Azərbaycan Premyer Liqasının 8-ci turunda "İmişli" yə 0:1 hesabı ilə uduzduqları görüşdən sonra deyib.

Təcrübəli mütəxəssis standart vəziyyətlərdən fərqlənə bilməmələri barədə sualı belə cavablandırıb:

“Standart vəziyyətlər üzərində kifayət qədər çox işləyirik. Amma təəssüf ki, hər dəfə qol vurmaq alınmır. Rəqib isə bundan istifadə etdi”.