Ukrayna yığmasının ən ağır məğlubiyyəti

Ukrayna milli komandası yoxlama oyununda Fransaya 1:7 hesabı ilə uduzub.

Futbolxeber.az saytının məlumatına görə, bu nəticə Ukrayna yığmasının tarixində antirekorddur. Buna qədər komanda heç vaxt bir oyunda qapısında 4-dən artıq qol görməmişdi.

2 dəfə ispanlar, eləcə də hərəyə 1 dəfə Xorvatiya, Çexiya, Slovakiya, Fransa, Rumıniya və Almaniya milliləri 90 dəqiqə ərzində Ukraynanın qapısına 4 dəfə yol tapıblar.

Fransa millisi isə 2014-cü ildə Yamayka ilə oyundan sonra (8:0) ilk dəfə 1 görüşdə 7 dəfə fərqlənməyə müvəffəq olub. Avropa ölkələri arasında isə fransızlar son dəfə 1995-ci ildə Azərbaycan millisi ilə matçda 7 dəfədən çox (10:0) fərqlənmişdilər.