“Milan” Avroliqaya vəsiqə qazansa, Brokki komandada qalacaq

Kristian Brokkinin “Milan”dakı gələcəyi qeyri-müəyyəndi. Futbolxeber.az saytının məlumatına görə, klub rəhbərliyi gənc məşqçinin qarşısına şərt qoyub. Əgər “Milan” mövsümün sonunda Avroliqaya vəsiqə qazansa, o zaman Brokki komandada qalacaq. Əks halda isə “Milan” yeni məşqçi axtarışına başlayacaq.

O da məlum olub ki, Silvio Berluskoni şəxsən Brokkinin namizədliyini irəli sürüb. Klubun idarə heyətinin digər üzvləri bu təyinata qarşı çıxsalar da, Berluskoni fikrindən dönməyib. Adriano Qalliani Sinişa Mihayloviçin heç olmasa mövsümün sonuna kimi komandada qalması üçün səy göstərsə də, Berluskoninin fikrini dəyişmək mümkün olmayıb.