“Araz-Naxçıvan”ın yer aldığı qrupun oyunlarına təyinatlar

Futzal üzrə UEFA Çempionlar Liqasının əsas mərhələsində iştirak edəcək “Araz-Naxçıvan”ın yer aldığı 5-ci qrupun oyunlarına təyinatlar açıqlanıb.

Futbolxeber.az saytının məlumatlna görə, sözügedən qrupda Chaix Viktor (Fransa), Jan Kresta (Çexiya), Lukas Peska (Slovakiya), David Abtequya Urdanoz (İspaniya) hakimlik edəcəklər.

Qarşılaşmaların hakim-inspektoru Boqdan Soresku (Rumıniya) təyin olunub.

Həmin qrupda UEFA nümayəndəsi Viktor Beceyro (İspaniya) iş başında olacaq.

Qeyd edək ki, bu qrupun oyunları oktyabrın 26-dan 29-dək Bosniya və Herseqovinanın Mostar şəhərindəki Mithad Hujdur Hujka Arenada keçiriləcək.

Yalnız qrup qalibi elit-raunda yüksələcək.

26 oktyabr

“Araz-Naxçıvan” - “Orebro” (İsveç)

27 oktyabr

“Loznika Qrad” (Serbiya) - “Araz-Naxçıvan”

29 oktyabr

“Mostar” (Bosniya və Herseqovina) - “Araz-Naxçıvan”