U-17-dən növbəti biabırçı məğlubiyyət

17 yaşadək qızlardan ibarət Azərbaycan milli komandası Avropa çempionatının 1-ci turun seçmə mərhələsi çərçivəsində son oyununu keçirib.

Futbolxeber.az saytının məlumatına görə, millimiz U-17 Albaniya yığması ilə qarşılaşıb.

Görüş albanların 7:2 hesablı qələbəsi ilə başa çatıb.

Millimizin qollarını 25-ci dəqiqədə Sara Səlimova və 32-ci dəqiqədə Məryəm Səmədli vurublar.

Bununla da, U-17 millimiz ardıcıl üçüncü matçında da biabırçı hesabla uduzub. Yığmamız ilk görüşündə İrlandiyaya 0:16, ikinci oyununda isə Kosovoya 3:8 hesabı ilə uduzmuşdu.

Beləliklə, Azərbaycan yığması qrup mərhələsinin xalsız və sonuncu pillədə başa vurdu. Qolların fərqi isə 5:31-dir.