Cilardinonun yeni iş yeri müəyyənləşdi

İtaliyanın “Parma” klubu baş məşqçi vəzifəsinə Alberto Cilardinonu təyin etməyə hazırlaşır.

Futbolxeber.az saytının məlumatına görə, bu barədə insayder Canluka Di Martsio paylaşım edib.

Onun sözlərinə görə, 44 yaşlı mütəxəssis hazırda “Piza” ilə müqaviləsinə xitam verilməsi prosedurunu tamamlayır. Tərəflər artıq razılığa gəliblər.

“Parma” bundan əvvəl baş məşqçi Karlos Kuesta Qarsiya ilə yollarını ayırıb. Komanda onun rəhbərliyi altında A Seriyasının ilk 5 turunda 4 xal toplayıb və turnir cədvəlinin 15-ci pilləsində qərarlaşıb.

Qeyd edək ki, Alberto Cilardino futbolçu kimi 2002-2005-ci illərdə “Parma”nın formasını geyinib.