20 Noyabr 2026, Cümə
Böyük futbol Xankəndiyə qayıtdı
Millimiz FIFA reytinqində irəlilədi
Avro-2028: Millimiz 5-ci səbətdə
U-20 millisi İraqla heç-heçə etdi

Ölkə futbolu

Qurban Qurbanov: “Normal hazırlaşa bilmirik”

"Qarabağ" yoxlama oyununda "Zirə"ni 3:1 hesabı ilə məğlub edib.

Futbolxeber.az saytının məlumatına görə, matçdan sonra "Qarabağ"ın baş məşqçisi Qurban Qurbanov jurnalistlərin suallarını cavablandırıb:

"Pis oyun alınmadı. Bu görüşdə bütün futbolçulardan istifadə edə bilmədik. Bizimlə olan oyunçulara lazımi yükü verdik. Maraqlı qarşılaşma alındı. Matçın 50-60 dəqiqəsi temp baxımından rəsmi oyunlardan heç nə ilə fərqlənmirdi”.

Mütəxəssis Yamayka millisinin heyətində zədələnən Renaldo Sefasın durumunun qeyri-müəyyən olduğunu söyləyib:

“O, hələ sabah klubun düşərgəsinə qayıdacaq. Sabah günün ikinci yarısında tibbi müayinədən sonra vəziyyətini dəqiq biləcəyik”.

“Çempionatda yaranan belə uzun fasilə komandaya necə təsir edəcək?” sualını Q.Qurbanov belə cavablandırıb:

“Mən burada heç bir müsbət məqam görmürəm. Heyətdə az futbolçu var, normal hazırlaşa bilmirik. Milli komandalara yollanan futbolçular dörd oyun keçirirlər ki, bu da qısa müddət üçün çoxdur. Bu, təkcə bizə deyil, digər komandalara da təsir edir. Bu, böyük problemdir. Sefas artıq dörd gündür geri qayıda bilmir. O, yenicə formasını bərpa etməyə başlamışdı. Milli komandalarına yollanan digər futbolçulara da yenidən uyğunlaşmaq üçün daha çox vaxt lazım olacaq”.

Mütəxəssis milli komandamızın Lixtenşteynlə oyunundan da (0:0) söz açıb:

“Bu gün futbol elə səviyyədədir ki, artıq zəif komanda yoxdur. Hamı inkişaf edir. Futbolçuların və məşqçilərin beynəlxalq təcrübəsi artıb. Heç kim asan qələbə qazanmır. Əlbəttə, daha artığını görmək istərdik, amma irəli baxmaq lazımdır. Qarşıda daha iki oyun var və maksimum nəticə əldə etməyə çalışmaq lazımdır. Neqativ fikirlərdən uzaqlaşıb meydana çıxmaq vacibdir. İnanıram ki, yaxşı nəticə əldə edə biləcəyik və mənfi düşüncələr geridə qalacaq”.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2026
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30