“Lokomotiv” “Qəbələ”dən güclü olsa da...”

“İlk növbədə İzmaylov yaxşı oynamalıdır. Konkretləşdirsək, o, burada dəqiq ötürmələr verməli və özünün bombardirlik keyfiyyətlərini nümayiş etdirməlidir”. Futbolxeber.az-ın məlumatına görə, bu sözləri “Qəbələ”nin baş məşqçisi Yuri Syomin deyib.

Rusiya mətbuatına növbəti dəfə müsahibə verən təcrübəli mütəxəssis “Lokomotiv”in hansı futbolçusunu “Qəbələ”də görmək istərdiniz” sualını belə cavablandırıb: “Belə oyunçuların sayı çoxdur. “Lokomotiv” “Qəbələ”dən güclüdür. Lakin vaxt var idi “Lokomotiv” birinci divizionda çıxış edirdi...”

Syomin komandasının cari mövsümdəki hədəfləri barədə bunları deyib: “Klub rəhbərliyi qarşımıza avrokuboklara vəsiqə qazanmağı hədəf qoyub. Hələ ki çalışırıq və bu məqsədə doğru irəliyirik. Gələcəkdə nə olacağına isə baxacağıq”.