Konfrans Liqası: 1/8 finalçılar və pley-offçular müəyyənləşdi

UEFA Konfrans Liqasında bütün 1/8 finalçıların və pley-offçuların adlarına aydınlıq gəlib.

Futbolxeber.az saytının məlumatına görə, bu, Liqa mərhələsinin sonuncu - 6-cı turunun görüşlərindən sonra müəyyənləşib.

Mərhələni 16 xalla "Strasburq" lider kimi başa vurub. Fransa klubu ilə yanaşı, "Rakuv" (Polşa), AEK (Yunanıstan), "Sparta" (Çexiya), "Rayo Valyekano" (İspaniya), "Şaxtyor" (Ukrayna), "Maynts" (Almaniya) və AEK (Kipr) 1/8 finala birbaşa yüksəlib.

"Lozanna" (İsveçrə), "Kristal Pelas" (İngiltərə), "Lex" (Polşa), "Samsunspor" (Türkiyə), "Selye" (Sloveniya), "AZ Alkmaar" (Niderland), "Fiorentina" (İtaliya), "Riyeka" (Xorvatiya), "Yagelloniya" (Polşa), "Omoniya" (Kipr), "Noah" (Ermənistan), "Drita" (Kosovo), "KuPS" (Finlandiya), "Şkendiya" (Şimali Makedoniya), "Zrinski" (Bosniya və Hersoqovina) və "Siqma" (Çexiya) pley-offa vəsiqə əldə edib.

Qeyd edək ki, Konfrans Liqasının pley-off mərhələsi 2026-cı il fevral ayının 19-20-də başlayacaq.