Maurinyo 100-cü qələbəsini qazana biləcəyi “M.Y.”lə oyundan danışdı

“Çelsi”nin baş məqçisi Joze Maurinyo həftə sonu İngiltərə Premyer Liqasının növbəti turu çərçivəsində “Mançester Yunayted”ə qarşı keçirəcəkləri oyun haqda danışıb. Futbolxeber.az-ın məlumatına görə, portuqaliyalı mütəxəssis məhz bu oyunda yubiley qələbəsini qazanmaq istədiyini bildirib: “Biz turnir cədvəlində 11 xal qabaqladığımız komandaya yox, son çempiona qarşı oynayacağıq. Premyer Liqada aktivimdə 99 qələbə var və 100-cü uğura məhz qarşıdakı oyunda imza atmaq istəyirəm. “Çelsi” günü-gündən daha yaxşı oynayır və biz sona kimi çempionluq uğrunda mübarizə aparacağıq. Lempard artıq komanda ilə birgə məşq edir. Onun “Mançester Yunayted”lə matçda meydana çıxması mümkündür”.