Noyer: “Almaniya hər zaman favorit hesab olunur”

Almaniya millisinin qapıçısı Manuel Noyer komandasının Avro-2024-dəki uğurlu startını şərh edib.

Futbolxeber.az saytının məlumatına görə, 38 yaşlı qolkiper bildirib ki, komandası favorit hesab olunsa da, üzərində işləməli olduqları məqamlar da var:

“Atmosfer əladır, tribunalarda anşlaq yaşanır. Bu turnirin vətənimdə keçirilməsindən məmnunam. Almaniya millisi hər zaman favorit hesab olunur. Lakin bizim üzərində işləməli olduğumuz cəhətlər var. Növbəti görüş qrupdakı ən çətin oyunumuz olacaq. Qələbə impulsunu qoruyub saxlamalıyıq”.

Qeyd edək ki, Avro-2024-dəki ilk matçında Şotlandiyanı darmadağın edən (5:1) Almaniya millisi dünən də Macarıstandan üstün olub (2:0). Komanda qrupdakı son matçını İsveçrəyə qarşı keçirəcək.