Lobotka: “Slovakiya qələbəyə layiq idi”

Slovakiya millisinin yarımmüdafiəçisi Stanislav Lobotka Avro-2024-ün qrup mərhələsinin ilk turunda Belçika üzərində qazandıqları 1:0 hesablı qələbəni şərh edib.

Futbolxeber.az saytının məlumatına görə, matçın ən yaxşısı seçilən 29 yaşlı futbolçu qələbəyə layiq olduqlarını bildirib:

“Ola bilər ki, bir qədər bəxtimiz gətirdi. Lakin biz qələbəyə layiq idik. Təbii ki, görüşün ən yaxşı oyunçusu seçildiyim üçün də şadam. Amma qalib gəldiyimiz üçün daha çox sevinirəm. 1:0 təhlükəli hesab olsa da, Belçika kimi komanda ilə görüşdə böyükhesablı qələbəyə ümid etmək çətindir. Turnir baxımından başlanğıc bizim üçün əladır”.

Qeyd edək ki, Belçikanı məğlub edən Slovakiya millisinin ikinci turdakı rəqibi iyunun 21-də Ukrayna yığması olacaq.