Pioli: “Fiorentina” bizdən daha yaxşı oynadı”

“Milan”ın baş məşqçisi Stefano Pioli A seriyasının 25-ci turunda “Fiorentina”dan alınan 1:2 hesablı məğlubiyyəti şərh edib.

Futbolxeber.az saytının “Sky Sport Italia”ya istinadən verdiyi məlumata görə, italiyalı mütəxəssis yenilgini Çempionlar Liqasının 1/8 finalında “Tottenhem”ə qarşı keçiriləcək cavab oyununu daha çox düşünmələri ilə əlaqələndirməyib:

“Biz oyuna ciddi hazırlaşmışdıq. Lakin “Fiorentina” daha yaxşı oynadı. Xüsusən də ilk hissədə. Fasilədən sonra üstünlüyə yiyələndik, hesabı bərabərləşdirmək üçün şanslarımız da oldu. Rəqibin bizdən üstün oynaması heç də fikrimizin “Tottenhem”lə matçda qalması ilə əlaqəli deyil. Qarşıda hələ çox oyun var”.

Qeyd edək ki, bu yenilgidən sonra əvvəlki kimi 47 xalda qalan “Milan” A seriyasında dördüncü pillədə qərarlaşıb.