"Yuventus" favoritdi, "Mançester Yunayted" də qələbəyə oynayacaq"

“Mançester Yunayted”in sabiq müdafiəçisi Yap Stam “qırmızı şeytanlar”ın Çempionlar Liqasının dördüncü turu çərçivəsində “Yuventus”a qarşı keçirəcəyi matç haqda danışıb.

Futbolxeber.az saytının məlumatına görə, hollandiyalı “Mançester Yunayted”in Turində qələbə üçün oynayacağını bildirib: “Bu görüşdə hər iki komandanın ifasında gözəl mübarizənin şahidi olmaq istəyirəm. Hər iki komandanın üç xal uğrunda oynayacağını düşünürəm. “Yuventus” ilk dəqiqələrdən hücum etməyi xoşlayan komandadı.

“Mançester Yunayted” isə ehtiyatlı oynayacaq. Çünki onlar “Yuventus”un səhv etməsini gözləyəcək. İstənilən halda “Mançester Yunayted” qələbəyə oynayacaq. Çünki alınacaq məğlubiyyət Joze Mourinyoyaya olan təzyiqləri artıracaq. “Yuventus” favoritdi, hələ ki, ÇL-də xal itirməyiblər, əla futbolçuları var”.