Terri Çin yolunda: “Çelsi”nin kapitanı fantastik təklif aldı

Con Terri mövsümün sonunda “Çelsi”ni tərk edə bilər. Futbolxeber.az-ın məlumatına görə, London klubunun rəhbərliyi təcrübəli müdafiəçi ilə yeni müqavilə imzalamağa tələsmir. Terriyə bildirilib ki, onun komandada qalıb-qalmayacağı yalnız yeni baş məşqçi təyinatından sonra müəyyənləşəcək. Lakin futbolçu artıq mətbuata verdiyi açıqlamada hazırkı klubunun onunla yeni müqavilə imzalamayacağını qeyd edib.

Bu arada 35 yaşlı futbolçu Çindən fantastik təklif alıb. Belə ki, bu ölkənin klublarından biri Terriyə 1 illik müqaviləyə görə 20 milyon funt-sterlinq təklif edir. 

Fərid Abdullayev