“Milan”ın satışı reallaşır: Berluskoni Teçaubolla ilkin müqavilə imzaladı

“Milan”ın satışı reallaşmaq üzrədir. Futbolxeber.az-ın məlumatına görə, klubun prezidenti Silvio Berluskonu bu gün klubun səhmlərinin 48 faizinin satışı ilə bağlı asiyalı biznesmen Bi Teçaubolla ilkin müqavilə imzalayıb. Tərəflər müqaviləni sentyabrın 30-da rəsmiləşdirəcəklər. Sözləşməyə əsasən, Teçaubol 480 milyon avro ödəyəcək.  

Qeyd edək ki, səhmlərin satışından sonra da Berluskoni “Milan”ın prezidenti olaraq qalacaq. Əvəzində klubda Adriano Qalliani və Silvio Barbaradan əlavə üçüncü rəhbər şəxs peyda olacaq. Bundan başqa, klubun idarə heyətinin 12 nəfərdən ibarət olması nəzərdə tutulub. Onların 7-si Berluskoninin, 5-i isə Teçaubolun adamları olacaq.