Van Persi: “Fənərbaxça”nın futbolçusu olmaq mənim üçün şərəfdir”

“Mançester Yunayted”i “Fənərbaxça”ya dəyişən Robin van Persi yeni klubu haqda təəssüratlarını bölüşüb. Futbolxeber.az-ın məlumatına görə, holland futbolçu yeni klubu haqda ağızdolusu danışıb: “İstanbulda olduğum üçün şadam. Burada fantastik azarkeşlərin önündə çıxış edəcəyəm. 10 il millidə Dirk Kuytla birgə çıxış etmişik. Onunla dostuq və “Fənərbaxça”ya keçməmişdən öncə Dirkin də fikirlərini öyrəndim. O, “Fənər”in böyük klub olduğunu bildirdi, eləcə də azarkeşlərin möhtəşəmliyini qeyd etdi. “Fənərbaxça”nın futbolçusu olmaq mənim üçün şərəfdir. Azarkeşləri sevindirmək üçün əlimdən gələni edəcəyəm”.