23 Noyabr 2026, Bazar ertəsi
Vernidub qələbəni şərh etdi
Bekiri: “Qələbəyə layiq idik”
U-20 millimiz İraqa qalib gəldi
XII turun hakim təyinatları

Ölkə futbolu

Vernidub qələbəni şərh etdi

“Qalib gəldiyimiz üçün sevinirəm. Futbolçulara dedim ki, “Araz-Naxçıvan” turnir cədvəlinin sonuncu pilləsində olsa da, bu, onun əsl yeri deyil. Nəzərə alaq ki, süni örtüklü meydançada oynayırdıq. Rəqib burada mütəmadi çıxış edir, biz isə yox. Buna görə də bəzən topa nəzarətdə çətinlik çəkir, top itkilərinə yol verirdik. Məni məyus edən yeganə məqam sonda qol buraxmağımız oldu. Hazırda turnir cədvəlində elə mövqedəyik ki, belə qollar buraxmamalıyıq. Bu, mənim üçün sanki bal çəlləyinə acı bir şey qatmaq kimi oldu. Daha bir neçə qol da vura bilərdik. Oyunu təhlil edəcək və nəticə çıxaracağıq. Azarkeşlərimizə təşəkkür edirəm. Onlar hər zaman “Neftçi”nin yanındadırlar. Bu gün də bizə yüksək səviyyədə dəstək oldular”.

Futbolxeber.az saytının məlumatına görə, bu sözləri “Neftçi”nin baş məşqçisi Yuri Vernidub Azərbaycan Premyer Liqasının 12-ci turunda səfərdə “Araz-Naxçıvan”ı 3:1 hesabı ilə məğlub etdikləri oyundan sonra deyib.

Daha sonra ukraynalı mütəxəssis jurnalistlərin suallarını cavablandırıb.

- Klismanın vurduğu qollar haqda nə düşünürsünüz?

- Belə oyunda onun vurduğu möhtəşəm qollar barədə yalnız müsbət fikirlər söyləmək olar. Məni sevindirən odur ki, bu, Klissmanın 6-cı qoludur. Ondan gözləntilərimiz böyükdür.

- Növbəti oyunda “Zirə” ilə qarşılaşacaqsınız. Revanş hissi var?

- Bu oyunla bağlı “revanş” sözünü işlətməzdim. Qalib gəlmək üçün maksimum gücümüzü ortaya qoymalıyıq. Əsas məqsədimiz budur. Rəqibin də eyni istəkdə olacağına əminəm. Bu oyunu səbirsizliklə gözləyirəm. İndidən əlavə nəsə demək istəmirəm. İstəyim odur ki, yaxşı oynayaq və qalib gələk.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2026
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30