Maurinyo: “Mançester Yunayted”lə oyunda 1 xalı havayı da versələr, qəbul etmərəm”

“Mançester Yunayted”in oyununu bacardığım qədər analiz etmişəm. Oyuna 1 gün qalsa da, hələ ki start heyətini müəyyənləşdirməmişəm”. Futbolxeber.az-ın məlumatına görə, bu sözləri “Çelsi”nin baş məşqçisi Joze Maurinyo deyib.

Sabah Premyer Liqanın növbəti turu çərçivəsində “Mançester Yunayted”ə qarşı keçirəcəkləri oyun haqda danışan portuqaliyalı mütəxəssis, meydana yalnız qələbə üçün çıxacaqlarını vurğulayıb: “Komandam yaxşı oynayır, özümüzə güvənirik, Premyer Liqada turnir cədvəlinin zirvəsindəyik, Çempionlar Liqasında da vəziyyətimiz yaxşıdır. Düşərgədə hər kəs hazırki durumdan məmnundur. Hər oyuna qələbə qazanmaq üçün çıxırıq. “Mançester Yunayted”lə oyun da istisna deyil. İndi heç-heçəyə razı deyiləm. Hətta desələr ki, meydana çıxmadan belə 1 xalı havayə veririk, qəbul etmərəm. Mən sabah 3 xal uğrunda vuruşmaq istəyirəm”.