“Mən Çempionlar Liqasında qol vuranda Maurinyo tərcüməçi idi”

“Maribor”un meneceri Zlatko Zahoviç Çempionlar Liqasının qrup mərhələsinin üçüncü turu çərçivəsində “Çelsi”yə qarşı keçirəcəkləri oyun haqda danışıb. Futbolxeber.az-ın məlumatına görə, sloveniyalı veteran futbolçu özünü Maurinyodan daha təcrübəli hesab etdiyini bildirib: “Çelsi” Çempionlar Liqasının favoritidir, razıyam. Amma Maurinyonun dünyanın ən yaxşı məşqçisi olduğu fikrini qəbul etmirəm. O, ən güclü yox, ən güclülərindən biridir. Maurinyonun ən güclü cəhəti insanları istədiyi kimi idarə etməsidir. Futbolda mənim təcrübəm Maurinyonun təcrübəsindən daha çoxdur. Uzun illər futbol oynamışam, indi də idman direktoru vəzifəsində çalışıram. Ola bilər ki, Maurinyodan fərqli olaraq məşqçi kimi çalışmamışam. Amma mən Çempionlar Liqasında qol vuranda, Maurinyo tərcüməçi idi”.