Marçello Lippi karyerasını başa vuracağı vaxtı açıqladı

Əfsanəvi italiyalı məşqçi Marçello Lippi futboldan gedəcəyi vaxtı açıqlayıb. Futbolxeber.az-ın məlumatına görə, Lippi hazırki klubunun karyerasında sonuncu olacağını bildirib: “Çindəki karyeram başa çatdıqdan sonra özümə “artıq bəsdir” deyəcəyəm. Odur ki, “Quançjou” mənim karyeramda baş məşqçi kimi sonuncu klub olacaq”.

Xatırladaq ki, 2012-ci ildən çalışdığı Çin klubu ilə Lippinin müqaviləsi 2017-ci ilə kimidir.

Əlavə edək ki, 2006-cı ildə dünya çempionu olan Lippi, həm Avropa, həm də Asiya Çempionlar Liqasının qalibi olan yeganə məşqçidir.