“Beşiktaş”ın futbolçusu güllələndi

“Beşiktaş”ın futbolçusu Gökhan Töre güllənib. Futbolxeber.az-ın yazete.com-a istinadən verdiyi məlumata görə, ulduz futbolçu səhərə yaxın əylənmək üçün getdiyi Şişlidəki bir gecə klubunda silahlı hücuma uğrayıb. Kürəyindən vurulan və həmən xəstəxanaya yerləşdirilən Töre əməliyyat olunub. Hazırda futbolçunun durumu normaldır.

“Beşiktaş” rəsmisi Ahmet Kavalcı, Gökhan Törenin silahlı hücuma uğradığını təsdiq edib. O, bildirib ki, hazırda futbolçunun durumu nəzarət altındadır: “Ölümcül bir şey yoxdu, mərmi kürəyinə dəyib. Mübahisə edənlər başqaları olsa da, şanssızlıqdan açılan atəş Gökhana dəyib”.

“Beşiktaş” klubundan verilən rəsmi açıqlamada da Gökhan Törenin yaralandığı təsdiqlənib: “Peşəkar klubumuzun oyunçusu Gökhan Töre, gecə saatlarında komanda yoldaşlarıyla birgə getdiyi əyləncə məkanında yaralanıb. Həmin şəxs biri qadın, biri də uşaq olmaqla daha 5 nəfəri yaralayıb. Hazırda polis atəş açan həmin şəxsi axtarır”.