Şahmat tariximizdə 29-cu qrossmeyster

Azərbaycanın daha bir şahmatçısı qrossmeyster normasını yerinə yetirib.

Futbolxeber.az-ın Azərbaycan Şahmat Federasiyasının mətbuat xidmətinə istinadən verdiyi məlumata görə, qaydalara əsasən 20 yaşlıların dünya çempionatında qalib olan şahmatçı eyni zamanda beynəlxalq qrossmeyster tituluna sahib çıxır.

İtaliyada gənclərin dünya çempionatında qızıl medal qazanan Abdulla Qədimbəyli artıq 9-cu turda 3-cü qrossmeyster normasını yerinə yetirib. Bununla A. Qədimbəyli Azərbaycan şahmat tarixində 29-cu qrossmeyster olub.

Beynəlxalq Şahmat Federasiyasının yaxın aylarda bu barədə təsdiq məktubu ünvanlayacağı gözlənilir.