Məmmədyarov Aronyanla heç-heçə etdi

Şahmat üzrə dünya çempionu Maqnus Karlsenin təşkil etdiyi Çempionlar Turunun 5-ci mərhələsi davam edir.

Futbolxeber.az saytının məlumatına görə, 11-ci turda Azərbaycanın iki şahmatçısı Şəhriyar Məmmədyarovla Teymur Rəcəbov üz-üzə gəlib və heç-heçə qeydə alınıb.

Günün ikinci oyununda Teymur ağ fiqurlarla Sergey Karyakinlə (Rusiya) xalı yarı bölüb. Şəhriyar qaralarla Aryan Tarini (Norveç) məğlubiyyətə uğradıb.

13-cü turda Məmmədyarov prinsipial görüşdə Levon Aronyanla (Ermənistan) qarşılaşıb. Şahmatçımız ağ fiqurlarla oynayıb. Görüş sülhlə başa çatıb. Teymur Rəcəbov isə Le Kuanq Lyemlə (Vyetnam) heç-heçə edib.

Qeyd edək ki, dünya çempionu Maqnus Karlsen istisna olmaqla planetin ən güclü şahmatçıları Rusiyada təşkil olunan İddiaçılar turnirində mübarizə apardığından heyəti o qədər də güclü olmayan "New İn Chess"də 16 iştirakçı qüvvəsini sınayır. 3 gün ərzində dairəvi sistemlə mübarizə aparacaq şahmatçılar 1/4 finala 8 vəsiqənin sahibini müəyyənləşdirəcək.