Avropa Oyunlarında son gün: daha 8 medal qazana bilərik

Bu gün Belarusun paytaxtı Minskdə keçirilən II Avropa Oyunlarına yekun vurulacaq.

Futbolxeber.az saytının məlumatına görə, son yarış günündə Azərbaycan dörd idman növündə təmsil olunacaq.

Yunan-Roma güləşində 87 kq çəki dərəcəsində İslam Abbasov qııl medal uğrunda mübarizə aparacaq. Onun həlledici qarşılaşmadakı rəqibi ukraynalı Yan Belenyukdur.

130 kq-da isə Sabah Şəriəti bürünc medal uğrunda təsəlliverici görüşlərdə qüvvəsini sınayacaq. Onun ilk rəqibi Romas Fridrikas olacaq. Görüşlər Bakı vaxtı ilə 14:00-dan etibarən başlayacaq.

Bu gün daha 4 karateçimiz mübarizəyə qoşulacaq. Əsas medal ümidlərimizdən 75 kq çəki dərəcəsində 5 qat dünya və 11 qat Avropa çempionu Rafael Ağayev B qrupunda Co Kellavey (Böyük Britaniya), Erman Erdemir (Türkiyə) və Qabor Harspataki (Macarıstan) ilə mübarizə aparacaq.

Eyni zamanda, Bakı vaxtı ilə saat 21:00-da Oyunların bağlanış mərasimi keçiriləcək. Mərasimdə bütün 50 iştirakçı ölkənin paradı da olacaq.

30 iyun

Yunan-Roma güləşi

14:20

130 kq, bürünc medal uğrunda təsəlliverici qarşılaşma

Sabah Şəriəti - Romas Fridrikas (Litva)

14:40

87 kq, final

İslam Abbasov - Jan Belenyuk (Ukrayna)

Velosiped idmanı

Kişilər

10:00

Şosse, keyrin, ilkin yürüş

Sergey Omelçenko

İdman gimnastikası

14:28

Qadınlar, dayaqla tullanma

Marina Nekrasova

Karate

10:14

Qadınlar, 50 kq, A qrupu

Nuranə Əliyeva - Serap Arapoglu Özçelik (Türkiyə)

10:42

Nuranə Əliyeva - Şara Hubriş (Almaniya)

11:10

Nuranə Əliyeva - Mariya Kulinkoviç (Belarus)

11:51

Kişilər, 60 kq, B qrupu

Firdovsi Fərzəliyev - İlya Bulatov (Belarus)

12:12

Firdovsi Fərzəliyev - Emil Pavlov (Makedoniya)

12:47

Firdovsi Fərzəliyev - Ancelo Kreszento (İtaliya)

13:07

Kişilər, 67 kq, A qrupu

Rafiz Həsənov - İv Martial Tadissi (Macarıstan)

13:39

Rafiz Həsənov - Artyom Kravtsov (Belarus)

13:56

Rafiz Həsənov - Stefan Pokorni (Avstriya)

13:14

Kişilər, 75 kq, B qrupu

Rafael Ağayev - Co Kellavey (Böyük Britaniya)

13:49

Rafael Ağayev - Erman Erdemir (Türkiyə)

14:17

Rafael Ağayev - Qabor Harspataki (Macarıstan)

Qeyd edək ki, hazırda Azərbaycan ümumi sıralamada 5 qızıl, 7 gümüş, 12 bürünc medalla 9-cu pillədə qərarlaşıb.