“AVRO-2020 Könüllü Kuboku” təşkil olunacaq

AFFA-nın təşkilatçılığı ilə "AVRO-2020 Könüllülər Proqramı" çərçivəsində Azərbaycan könüllü təşkilatları arasında futbol üzrə "AVRO-2020 Könüllü Kuboku" təşkil olunacaq.

Futbolxeber.az-ın assosiasiyanın saytına istinadən verdiyi məlumata görə, aprelin 8-dən 12-dək turnirin qeydiyyat və püşkatma prosesi keçiriləcək.

Turnirin aprelin 15-də start götürməsi planlaşdırılır.

Qeydiyyat keçmək istəyən təşkilatlar [email protected] aşağıdakı məlumatları göndərə bilərlər:

1) Könüllü təşkilatının adı:

2) Sifariş vərəqəsi: oyuçuların adı, soyadı, ata adı, təvəllüdü

3) Sifariş vərəqəsində olan oyunçuların sağlamlıq haqqında arayışı (imza və möhürlü)

Əlaqə nömrəsi: +994 55 515 79 09 (AFFA Könüllülər Mərkəzi)

Aşağıdakı şəxslər turnirdə iştirak edə bilməz:

1) son 5 il ərzində peşəkar statusu olan oyunçular

2) son 3 il ərzində Futzal Yüksək Liqası və 1-ci liqada iştirak edən oyunçular

Turnirin tərəfdaşları Azərbaycan Respublikası Gənclər Fondu və Azərbaycan Könüllü Təşkilatları İttifaqıdır.