Minifutbol
14 il öncəyə tarixi səyahət YAZI
Başa çatmaqda olan may ayı həyatımda özünəməxsus yeri tutur. Çünki iş fəaliyyətimə məhz bu ayda başlamışam ki, bu da bütünlüklə idman jurnalistikasından ibarətdir. Bəli, bu sahədə çalışmağımın (təkcə mənim yox, bir çox həmkarlarımın) artıq 14 ili tamam olur və növbəti yubileyimin astanasındayam. Razılaşın ki, 14 il böyük müddətdir və sizlərlə birgə tarixə səyahət etmək istəyirəm.
Seçilən beş nəfərdən biri oldum
Hələ orta məktəbdə oxuyarkən, ağlıma gəlməzdi ki, jurnalistikada olacağam, idmandan, əsasən də futboldan yazacağam. Düzdür, futbolu uşaqlıdan çox sevmişəm, hətta onunla qısa müddət də olsa məşğul olmuşam, futbolçu olmaq istəmişəm. Ancaq SSRİ dövründə həyata baxışlar fərqli idi və mənə də evdə təhsilin dalınca getməyi tövsiyyə etdilər. Ancaq qismətimdə futbolda olmaq varmış. Tale elə gətirdi ki, yaşıl meydanda olmasam da, bu sahənin içində oldum.
Hərçənd, 1999-cu ildə Azərbaycan Dövlət İqtisad Universitetinin “Maliyyə-kredit” fakültəsinin məzunu olan Mehman Suleymanov öz ixtisasına uyğun tam fərqli, daha diqqətiçəkən sahələrdə işləyə bilərdi. Hər halda, riyaziyyatı yaxşı bilməyim, güclü yaddaşa malik olmağım məhz iqtisadiyyatda işimə çox yaraya bilərdi. Ancaq nə yaxşı ki, elə indiki işimdəyəm. Çünki ürəyimcədir, bu sahəyə həvəsim, marağım böyükdür. İşə də həvəsin, marağın olmadı, onda heç zad...
2000-ci ilin iyulunda hərbi xidmətdən gələn və 9 ay işsiz qalan, həmin vaxt 22 yaşı olan bəndənizin təsadüfən qəzetdə gördüyü elan onu idman jurnalistikasına gətirdi. 2001-ci ilin bu ayı idi və bir çoxlarımızın sevimli qəzeti olan "Futbol-plus Qəzeti" yeni bir mərhələyə qədəm qoyurdu. Həftədə 2 dəfədən 3 dəfəyə keçən qəzetə müxbirlər lazım idi. Bu məqsədlə müsabiqə olundu və mən də özümü sınamağı qərara aldım. Açığı, seçiləcəyimə çox da inanmırdım, sadəcə, iş dalınca gəlmişdim. Müsabiqədə iştirak etmək üçün redaksiyaya təxminən 50 gənc toplaşmışdı. Zalda yer alan Mahir Rustamli, Vusal Mahmudov və Rövşən Sultanovdan ibarət münsiflər heyəti onlara təqdim olunan yazılara əsasən seçimlərini etdilər. Sonda 8 nəfər seçildi ki, onlarda 5-i daxili, 3-ü xarici şöbəyə idi. Mənimlə yanaşı, daxili şöbəyə gələn, sonradan dostlarım olan Kenan Hesenov, Ceyhun Aliyev, Bakhtiyar Fatullayev və “Xəzər TV”dən yaxşı tanıdığımız Ceyhun Rzayev idi. Xarici şöbəyə isə sonralar “Xəzər Lənkəran”ın mətbuat katibi, hazırda isə futbol agenti olan Tural Asgarov, gəncəli balası Elsever Pashayev və öz qabaritləri ilə hamının diqqətini çəkən Vüsal Aydın oldu. Kənan Ilkin Xalilovun kurasiyasına – digər idman növlərinə keçdi və bizlər arasında məşhur olan “Atlarımız da kişnədi”, “Dahi kişnərti” ifadələri həmin vaxtın “məhsul”udur. Digər 4-müz isə futboldan yazanlar olduq.
İlk işim həmin vaxt milliyə çağırılan debütant Mübariz Orucovdan İqbal adlı jurnalistlə birgə götürdüyüm müsahibə idi. İlk sərbəst işim isə həmin çempionatın bombardiri olan “Dinamo-Bakılı”nın hücumçusu Paşa Əliyevlə müsahibəm idi. Bizim heyətdən ən tez gedən Ceyhunlar oldular - Rzayev elə həmin ilin yayında, Əliyev isə 1 il sonra. 4 il sonra Bəxtiyar ATV-yə getdi və indiyədək orada işləyir. Ən gec gedən isə 2007-ci ilin yanvarında apasport.az saytını yaratmağa yollanan mənimlə Kənan oldu.
“Əjdahalar”ın yanına düşmək
Qəzetə gəldiyimiz vaxt futbolumuzda hadisələrlə zəngin bir dövr idi. 2000/01 mövsümü yekunlaşırdı və ən əsası, həmin vaxt prinsipial rəqiblər olan “Neftçi”ylə “Şəmkir” arasında Sumqayıtda “qızıl oyun” vardı. Milli komandamızın Türkiyə ilə İstanbulda böyük səs-küy doğuran oyunu, ardından Bakıda Slovakiya üzərində sensasion qələbəsi də həmin vaxt idi. Yeri gəlmişkən, millimizin baş məşqçisi olan Olimpiya çempionumuz Igor Ponomarevlə tanışlığım onda yarandı. Futzalda da böyük ajiotaj doğuran oyunlar vardı və bunlar peşəkar futzalçı olmuş Ceyhun Əliyevin kurasiyasında idi.
Mənə xoşbəxtçilik onda nəsib oldu ki, Mahir Rüstəmli kimi baş redaktorun əlinin altına düşdü. O, bu sahədə tanınmağımda, irəliləməyimdə əsas səbəbkarlarından oldu. Mahir müəllimin yanında işə peşəkarlıq və məsuliyyət gördüm, jurnalistikanın incəliklərini öyrəndim, obyektivliyin, qərəzsiz olmağın vacibliyini anladım. Tez bir zamanda etimadını qazandığım, mənə indiyədək “bosman” deyən “Futbol+ gəmisi"nin dəyişməz kapitanından artıq 8 ildir ayrı çalışsam da, onun necə dəyərli jurnalist, gözəl insan olduğunu heç vaxt unutmuram və ona həyatımın sonunadək borcluyam.
Vüsal Mahmudovun üzərimdə əməyi az olmadı. O, daxili şöbənin redaktoru olduğundan, birbaşa bizimlə işləyirdi. Mahmudovun sanki “ehtiyatda olan gülləsi” idim. Yazı çatmayanda əsasən mənə müraciət edirdi və bir də görürdün ki, qələmə aldığım material səhifədə “aşıb-daşır”. Vüsalı böyük həcmli yazılarımla çox yorsam da, hər halda, heç vaxt onun “qara siyahısı”nda olmamışam.
Mənə xoşbəxtçilik onda nəsib oldu ki, İlkin Xəlilovun timsalında “əjdahalar”la, hazırda daha çox tanınan istedadlı yazarların yanında ilk addımlarımı atdım. Həmin vaxt kimlər yox idi “Futbol+”də. İmzalarını gördüyümüz, yazılarını maraqlı oxuduğumuz İlkin Xəlilov, Elnur Memmedli, Sabuhi Safiyarli, Vagif Heydarli. İlkinin adını ona görə çəkdim ki, ilk reportyor heyətindən ən çox onunla çalışdım. Mən gələndə Vaqif, az sonra Elnur hərbi xidmətə yollandı. Tezliklə Səbuhi də qəzetdən ayrılası oldu və son nöqtəni ilin axırında İlkin qoydu. Hamısı sağ olsun, ilk vaxtdan böyük dəstək oldular, “təcrübəli-gənc işçi” ayrıseçkiliyi etmədilər. Onlarla az müddətdə birgə çalışsam da, çox şey öyrəndim. İllər keçdikcə isə təkcə həmkar yox, dost-yoldaş olduq. Ümumiyyətlə, ilk gəldiyimdə ən çox, ikinci reporyor nəslindən olan Elman Himayetoglu ilə birgə işlədim. 2002-ci ildə isə “Futbol+”ə qayıdan Reshad Ergun və Eldeniz Yusifovla çiyin-çiyinə çalışdım.
Qəzet jurnalistikası ilə internet mediasının fərqi
Hər bir insan işlədiyi sahədə müəyyən səviyyəyə çatmaq üçün pillə-irəliləyir. Mən də birdən əsas materialları yazmadım. İlk vaxtlar həvəskarlar, qadın futbolundan yazdım, hətta bunu ən yaxşı işıqlandıran jurnalist kimi həmin vaxt Qadın Futbolu Federasiyasının prezidenti olan Asim Xudiyevdən mükafat aldım. Yəni sənə tapşırılan sahədə etimadı qazanmalısan ki, daha məsul sahəni sənə tapşırsınlar. Yaxşı ki, mən ilk addımlarımı internet mediasında yox, qəzet jurnalistikasında atdım. Bunun böyük faydasını, təməlin möhkəm olmasını illər keçdikcə daha çox hiss edirəm. Hesab edirəm ki, məhz internet olmayan dövrdə yaradıcılıq, işin keyfiyyəti daha yüksək idi. Təsəvvür edin ki, Fuad Musayevin vaxtında AFFA-nın klublarla məlum münaqişəsi nəticəsidə çempionatımız 1 il dayansa da, ölkədə 1 il futbolsuzluq olsa da, biz həftədə 4-5 dəfə “Futbol+” qəzeti çıxartdıq. Onda xəbər tapmaq çox çətin idi və bizlər bunun öhdəsindən gələ bilirdik.
Əslində, internet mediası mənə yad sahə deyil, əksinə, çox tanışdı. Çünki ilk Azərbaycan dilli idman saytı olan apasport.az saytının yaradıcılarından olmuşam. Hətta orada çalışdığım müddətdə fərdi nominasiyada fərqlənmişəm - 2010/11 mövsümündə “ən yaxşı elektron KİV nümayəndəsi” kimi PFL prezidenti Ramin Musayevdən mükafat almışam. İllər keçəcək, ancaq bu saytın üzərində olan - xüsusilə də çətin vaxtında, ilk addımını atmasında - böyük əməyim tarixdə qalacaq.Yəni internet mediasında tarixə düşməyim, ümumiyyətlə, işlədiyim mətbu orqanlarım tanınmış olması mənim üçün qürurvericidir. Əslində, tez-tez iş yerini dəyişməyi sevən insan deyiləm. Təsadüfi deyil ki, 14 ildir cəmi 3-cü mətbu qurumda çalışıram. Əvvəlkilərin hər birində müddəti 6 il – 2001-2007-də “Futbol+”də, 2007-2013-də “apasport”da olub. Bunu nəyəsə işə vurmaq üçün yox, sadəcə, maraqlı məqam kimi qeyd edirəm. İşimdə məsuliyyətli, vicdanlı, çalışqan olmaq həmişə mənim üçün əsasdır. Bu mənada haqsızlığa layiq işçi olmadığımı düşünürəm. Getdiyim mətbu orqanlarda yerim görünürsə, deməli, yaxşı işçi olmuşam.
Hələ uşaqlıqdan rəqəmləri, hesabı sevən Mehman Süleymanovun idman jurnalistikasında olduğu vaxt statistikaya böyük marağı yarandı. Bunda isə həmkarım, dostum, uzun illər birgə işlədiyim Vugar Xilelinin böyük rolu oldu. Futbol statistikamız Vüqar kimi dəqiq statistiklə etibarlı əllərdədir. Uşaqlıdan mən və bir çoxlarımız məşhur futbolçularımızı da televizordan görüb sevmişdik. Ancaq mənə onlarla şəxsən tanış olmaq, müsahibə götürmək, dost münasibəti qurmaq nəsib olub. Ümumiyyətlə, bir çox tanınmışlarla yolunun kəsişməsi bu sahədə olmağınla fəxr etməyə əsas verir. Jurnalist kimi tez-tez xarici səfərlərdə olmaq isə adama böyük təcrübə qazandırır. Futbolumuzda bir sıra tarixi nəticələrə - 2006-cı ildə "Neftçi"ylə Moskvada "Birlik kuboku"nu qazanmağımıza, 2012-ci ildə isə Nikosiyada APOEL-lə oyunda ilk dəfə Avroliqanın qrupuna çıxmağımıza və qrupda "İnter"lə Milanda 2:2 hesabı heç-heçəmizə canlı şahid olmaq qürurvericidir.
Ən nəhayət, idman jurnalistikasında olduğum müddətdə Ilham Rəfi ilə tanış oldum. Bu, sonradan dostluğa, iş yoldaşlığına və onun vasitəçiliyi ilə gözəl bir kollektivdə - "Qəbələ Ik Qəzeti"ndə çalışmağa çevrildi. Hər bir jurnalistə belə redaktorla işləməyi arzu edirəm. Öz aramızdır, ayağım düşərli oldu və “Qəbələ"də olduğum 2 ildə nəticə qazandıq – çempionatın mükafatçısı və Avroliqaya vəsiqə. Hər halda, bürünc medalçı olmağımızı yalnız rəsmiləşdirmək qalıb.
Bəli, bu, keçdiyim yola bir baxış, keçmişi yada salmaq və bir növ hesabat xarakterli yazı idi. Göründüyü kimi, idman jurnalistikası mənə bir çox şeylər qazandırıb. Təkcə mənim yox, bir neçə həmkarımız üçün əlamətdar olan bu ayda bu sahəyə gəlişimizlə bağlı yazını özümə borc bildim. Mənim üçün həmkarlar dəyərlidir, həmkar həmrəyliyi önəmlidir və bunu ən azı “ad günü təbrikləri”mdə hiss etdirirəm. Bu dəfə özümlə (həm də özümüzlə) bağlı təbrik yazısını qələmə almağı məqsədəuyğun saydım. Ümid edirəm ki, sizləri yormadım...
Mehman SÜLEYMANOV
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Rövşən Nəcəf: “Etimadı doğrultmaq üçün əlimdən gələni edəcəm”
- Qurbanovdan nümunəvi addım
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- Azər Bağırov: “Futbolçular tapşırıqları icra etmirlər”
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- Avropa çempionatında möhtəşəm nəticə
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Hakimlər “kimə işləyir”? - Araşdırma
- Klublar Komitəsinin iclası keçirilib
-
18:06
"Prezident Kuboku-2024": Azərbaycanın daha bir avarçəkəni medal qazanıb
-
17:45
Mohammed Kadiri: “Nəinki "Zirə, istənilən rəqibə qalib gələ bilərik”
-
16:38
İspaniyalı baş məşqçi: "Prezident Kuboku”nda iştirak hər bir idmançı üçün yaxşı təcrübə olacaq"
-
16:13
Yüksək Liqada mövsüm başa çatdı
-
15:00
İlk dəfə kata üzrə Azərbaycan birinciliyi keçirilib
-
14:49
"Prezident Kuboku": Azərbaycan avarçəkəni qızıl medal qazandı
-
14:22
"Neftçi" “Qarabağ”la matçın hazırlığını davam etdirir FOTOLENT
-
14:15
Millimizin sabiq üzvü “Əl-İttihad”da
-
13:07
Türkiyə avarçəkəni: “Prezident Kuboku” turniri həyəcanlı və maraqlı keçir"
-
12:31
Aygül Abdullayeva Estoniyada ən yaxşı hakimi seçilib
-
12:12
"Səbail" "Qəbələ" ilə oyuna hazırlaşır FOTOLENT
-
11:58
Klublar Komitəsinin növbəti iclası keçirilib
-
11:26
Avarçəkmə üzrə "Prezident Kuboku”nda ikinci yarış gününə start verilib
-
11:03
Fərid Mansurov: "Prezident Kuboku-2024"də azarkeş qismində iştirak etmək qürurvericidir"
-
10:34
"Həm hücumda, həm də müdafiədə aqressiv oyun sərgilədik"
-
10:12
Azərbaycanın güləş milliləri Bakıda toplanış keçirlər
-
09:59
"Traktor" əzəli rəqibi ilə heç-heçə etdi
-
09:47
"Borussiya" PSJ-ni məğlub etdi VİDEO
-
09:30
Minifutbol millimiz beynəlxalq turnirin qalibi oldu
-
18:19
Abu Dosso: “Sumqayıt”ın potensialı avrokuboklarda oynamağa imkan verir”
-
17:58
Bakıda keçiriləcək bədii gimnastika üzrə Avropa Kubokunun mükafat fondu açıqlanıb
-
17:42
Azərbaycanlı nümayəndə ilk dəfə Avropa çempionatında
-
17:25
Şahin Bağırov Azərbaycan voleybol millisinin üzvləri ilə görüşüb
-
17:03
Azərbaycanı Bakıdakı Avropa Kubokunda təmsil edəcək gimnastlar müəyyənləşib
-
16:51
"Qusar" Ağdaşdan qələbə ilə qayıtdı VİDEO
-
16:37
“Prezident kuboku-2024” reqatasının birinci gününə yekun vuruldu
-
15:44
Çingiz Hüseynzadə: "Bu yarış gənc avarçəkənlərimiz üçün böyük təcrübədir"
-
14:16
Premyer Liqamızda apreldə vurulan 5 ən gözəl qol VİDEO
-
14:08
AMADA təmiz idman təbliğatını Suqovuşanda davam etdirir
-
13:32
“Sərhədçi”nin baş məşqçisi: "Ümid edirəm ki, yaxşı oyunla qələbə qazanacağıq”
-
12:29
I Liqada hakim təyinatları açıqlandı
-
12:15
Prezident Kuboku-2024" reqatasının Füzulidə də keçirilməsi planlaşdırılır
-
11:53
Suqovuşanda “Prezident Kuboku-2024” reqatasının açılış mərasimi keçirilib
-
10:41
Millimiz Rumıniyaya uduzub, Bosniya və Herseqovinanı darmadağın edib
-
10:17
Ülviyyə Fətəliyeva: "Vətənimə qızıl medalla qayıtmaq qürurvericidir"
-
09:30
"Bavariya" - "Real" matçında 4 qol VİDEO
-
22:22
Azərbaycanın iki idmançısı Olimpiadaya vəsiqə qazandı
-
21:38
Pley-off start götürdü: “Neftçi” uduzdu
-
21:00
“Şahdağ Qusar” - “Füzuli” oyununda 6 qol VİDEO
-
18:49
II Liqada 23-cü tura yekun vuruldu
-
18:34
Millimizin “Böyük Dəbilqə” üçün heyəti açıqlanıb
-
17:55
Stolüstü tennis üzrə Azərbaycan birinciliyi keçiriləcək
-
16:31
Şəhriyar gerilədi, Teymur irəlilədi
-
16:17
Musa Qurbanlı: “Hamı mənə dəstəkdir”
-
16:00
ETOPAZ-ın baş sponsorluğu ilə keçirilən “Fire League”da qrup mərhələsi başa çatdı FOTOLENT
-
15:48
Millimiz Qızıl Avropa Liqası öncəsi məşqlərə start verib
-
14:52
Mingəçevirdə “Prezident Kuboku-2024” reqatasının iştirakçılarının rəsmi paradı olub
-
14:25
U-21 millimiz yoldaşlıq oyunu keçirəcək
-
14:03
AFFA 2 kluba texniki məğlubiyyət verdi
-
13:36
Azərbaycanı Göygöldə keçiriləcək Avropa Kubokunda 147 cüdoçu təmsil edəcək
02.05.2024
01.05.2024
30.04.2024
Arxiv
May 2024 |
B.e | Ç.a | Ç | C.a | C | Ş | B |
01 | 02 | 03 | 04 | 05 | ||
06 | 07 | 08 | 09 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | ||