Tupta: “Bizə bir az da vaxt lazımdır”

“Bu, çempionatın ilk matçı idi. Ona görə də mövsümə uğurla start vermək bizim üçün vacib idi”.

Futbolxeber.az saytının məlumatına görə, bu sözləri "Neftçi"nin futbolçusu Lyubomir Tupta Azərbaycan Premyer Liqasının ilk turunda səfərdə "Sumqayıt"ı 3:1 hesabı ilə məğlub etdikləri oyun barədə danışarkən deyib.

Slovakiyalı forvard “Neftçi”də qol hesabını açmasına da toxunub: “Təbii ki, qol vurduğum üçün çox sevinirəm və şadam. Lakin bununla kifayətlənmək olmaz. İşləməyə davam etməliyik”.

O, ön xətdəki komanda yoldaşları Breno Almeyda və Freddi Varqasla anlaşmasından da söz açıb: “Son iki həftə üçümüz birlikdə məşq edirdik. Anlaşmağımız çox yaxşıdır. Amma qarşıdakı matçlarda daha yaxşı çıxış etmək üçün bizə bir az da vaxt lazımdır”.