“Cəbrayıl”ın yeni transferi Şamaxıda debüt etdi

Dünən I Liqanın 13-cü turu çərçivəsində Şamaxı Olimpiya İdman Komlpeksinin stadionunda “Cəbrayıl” MOİK-lə bərabərə qalıb - 2:2.

Futbolxeber.az saytının məlumatına görə, bu matçda “Cəbrayıl”ın yeni transferi Həsən Hüseynin debütu ilə yadda qalıb. 88 nömrəli formanı geyən gənc yarımmüdafiəçi 74-cü dəqiqədə Turqut Mustafazadənin əvəzinə meydana daxil olub.

Meydanda olduğu 20 dəqiqə ərzində xoş təsir bağışlayan Həsən Hüseyn gələcəkdə komandaya faydalı olacağını nümayiş etdirib.

Qeyd edək ki, 20 yaşlı Həsən son illər Polşada legioner həyatı yaşayıb. O, bu ölkədə aşağı liqa təmsilçisi “Drukaç” və “Mazur Karçzev”də forma geyib.