“Səbail” qələbə qazandı, liderlə xal fərqi azaldı

I Liqada qış fasiləsi başa çatıb.

Futbolxeber.az saytının məlumatına görə, bu gün keçirilən 3 oyunla 13-cü tur start götürüb.

Səfərdə “Zaqatala”nın qonağı olan “Səbail” rəqibini 1:0 hesabı ilə məğlub edib. Matçın taleyini həll edən yeganə qolu 18-ci dəqiqədə Emil Qasımov vurub.

“Şəfa” “Baku Sportinq”lə oyunda xal itirib - 1:1.  

“Cəbrayıl” isə MOİK-lə bərabərə qalıb - 2:2.

Bu nəticələrdən sonra “Şəfa” 31 xalla lider, “Baku Sportinq” isə 26 xalla ikincidir. Çətin səfərdən qələbə ilə qayıdan “Səbail” isə əsas rəqiblərlə xal fərqini azaldıb. Belə ki, üçüncü pillədə qərarlaşan Adil Şükürovun komandası xallarının sayını 25-ə çatdırıb.

Qeyd edək ki, növbəti tur “Səbail” öz meydanında “Şəfa”nı qəbul edəcək.