AFFA 7 klubu cərimələdi

AFFA İntizam Komitəsinin iclası keçirilib.

Futbolxeber.az-ın PFL-in saytına istinadən verdiyi məlumata görə, iclasda Azərbaycan Premyer Liqasının 16-cı turundakı qayda pozuntuları ilə bağlı qərarlar qəbul olunub:

“Kəpəz” - “Turan Tovuz” oyunu bitdikdən sonra meydançaya kənar şəxslər daxil olduğuna görə “Kəpəz” 2500 manat cərimə edilib.

Eyni matçda “Kəpəz” azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 3-cü dəfə təkrarlandığına görə Gəncə təmsilçisi 7000 manat cərimə edilib.

“Karvan-Yevlax” - “Neftçi” oyununda “Karvan-Yevlax”ın 5 futbolçusu sarı vərəqə aldığı üçün klub 700 manat cərimələnib.

Həmin görüş bitdikdən sonra meydançaya kənar şəxslər daxil olduğuna və bu hal cari mövsümdə 2-ci dəfə təkrarlandığına görə “Karvan-Yevlax” komandası 5000 manat cərimə edilib.

Sözügedən oyunun 90+8-ci dəqiqəsində “Neftçi” azarkeşləri tərəfindən meydançaya kənar əşya atıldığına və bu hal cari mövsümdə 4-cü dəfə təkrarlandığına görə “Neftçi” 4000 manat cərimələnib.

Eyni matç bitdikdən sonra “Neftçi” azarkeşləri tərəfindən rəqib komandanın avtobusuna vurulmuş zərərin paytaxt klubu  tərəfindən qarşılanmasına qərar verilib.

“Qəbələ” - “Qarabağ” oyununda “Qəbələ”nin 4 nəfər sarı vərəqə aldığı üçün əyalət təmsilçisi 700 manat cərimə edilib.

Bu görüşdə “Qarabağ” azarkeşləri tərəfindən pirotexniki vasitədən istifadə edildiyinə və bu hal cari mövsümdə 2-ci dəfə təkrarlandığına görə Ağdam klubu 5000 manat cərimələnib.

"Araz-Naxçıvan” - “Şamaxı” oyununa Təcili Tibbi Yardım avtomobili təyin edilmiş vaxtdan gec gəldiyinə görə matç gec başladığı üçün “Araz-Naxçıvan” 2000 manat cərimə edilib.

“Sumqayıt” - “Sabah” oyununda “Sumqayıt”ın 5 futbolçusu sarı vərəqə aldığı üçün klub 700 manat cərimə edilib.