Qriqorçuk: “Hamımız üzr istəməliyik”

"Strateji olaraq, ilk dəqiqədə qol buraxmaq xoş deyil. Amma futboldur, belə şeylər olur. İstənilən halda, bu gün oynadığımız futbol qəbulolunmazdır. Heç bir şey bizi sarsıda bilməz ki, istədiyimiz belə çıxış edək".

Futbolxeber.az saytının məlumatına görə, bu sözləri “Neftçi”nin baş məşqçisi Roman Qriqorçuk Azərbaycan Premyer Liqanın 6-cı turunda “Zirə” ilə oyundan sonra deyib.

Ukraynalı mütəxəssis daha sonra mətbuat konfrasında jurnalistlərin suallarını cavablandırıb.

- Milli fasilədə "Neftçi"nin özünə gələcəyini gözləmək olardı. Amma bu gün 90 dəqiqə ərzində qol epizodunuz da yox idi. Belə futbolla "Qarabağ"la matçda komandanızdan nə gözləmək olar?

- Bu cür oyunla nəsə gözləmək çətindir. Biz istənilən halda, daha yaxşı oynamalıyıq. Son konfransda da demişdim ki, fasilə bizə daha yaxşı təsir edəcək. Amma sözlərimi tuta bilmədim. Buna görə üzr istəyirəm. Bu cür futbola görə hamımız üzr istəməliyik. Belə futbol oynamaq olmaz.

- "Neftçi" hazırda Premyer Liqada ən az top vuran iki komandadan biridir. Hücum xəttindəki bu passivliyi nə ilə izah edərdiniz?

- Hamımız görürük ki, hücuçm xəttində axsayırıq. İstədiyimiz kimi çıxış etmirik.

- "Neftçi" uduzduqca, sizin də bu komandadakı karyeranız sona yaxınlaşır?

- Hər oyundan-oyuna sağlamlığımı itirirəm. Belə futbol oynamaq heç də xoş deyil.

- Sizcə, komandanız "Kəpəz"i udmaq potensialındadır?

- Bizim daha yaxşı və başqa futbol oynamaq ehtimalımız da var. Bu gün qol buraxdıq. Məğlub olmağımızın səbəbi ilk dəqiqələrdə buraxdığımız qol ola bilərdi. Amma belə deyil. Məsuliyyəti dərk edərək deyə bilərəm ki, daha yaxşı oynamaq üçün potensialımız var.