Şahin Diniyev: “Minimum məqsədimiz “ilk altılığ”a düşməkdi”

“Büdcə haqda rəhbərliklə ümumiyyətlə danışmamışıq”.

Futbolxeber.az saytına açıqlamasında bunu “Səbail”in baş məşqçisi Şahin Diniyev klubun büdcəsinin artırılacağı barədə yayılan xəbərlərə münasibət bildirərkən deyib.

O, komandanın qarşısına hansı vəzifənin qoyulması barədə də söz açıb: “Oyunçu seçimində, oyunçu götürülməsində hər hansı məhdudiyyət qoyulmayıb. “Səbail”ə gəldiyim gündən belə bir problem yoxdu. Həmin tepmlə də davam edirik. Ancaq keçən mövsümkündən daha iddialı olacağıq, daha yaxşı komandaya formalaşdırmağa çalışırıq. Konkret vəzifəyə gəldikdə, minimum məqsədimiz “ilk altılığ”a düşməkdi. Ondan sonra isə bacardığımız qədər daha yaxşı nəticə qazanmağa çalışacağıq. Buna nə qədər müyəssər olacağımızı isə zamaa göstərəcək”.  

Futbolxeber.az-ın teleqram kanalına abunə olun