Şahin Diniyev: “Sabah yeni transferlərimizi açıqlayacağıq”

“Bu, rəhbərliklə artıq üçüncü görüşümüz idi. Klub rəhbəri mütəmadi olaraq Müşahidə Şurası ilə, bizimlə görüşür, işlərin gedişatı, hansısa çətinliyin olub-olmaması ilə maraqlanır. Hər hansı bir problem varsa, həll etməyə çalışır”.

Futbolxeber.az saytına müsahibəsində bu sözləri “Səbail”in baş məşqçisi Şahin Diniyev klub rəhbərliyi ilə keçirilən son görüş barədə danışarkən deyib.

Təcrübəli mütəxəssis bildirib ki, görüş zamanı transfer çalışmaları ilə bağlı rəhbərliyə raport verib: “Səmərəli görüşümüz oldu. Mən də futbolçularla bağlı son məlumatları diqqətə çatdırdım. Futbolçularla bağlı planımız 3 etapdan ibarət idi. Əvvəlcə gedənləri müyyənləşdirməliydik. Bunu etdik. İkinci mərhələdə yerli futbolçuların transferləri nəzərdə tutulurdu. Bildiyiniz kimi, artıq bir neçə futbolçu ilə anlaşmışıq. Daha bir neçə oyunçu ilə müqavilə imzalanıb ki, sabah həmin transferləri ictimaiyyətə açıqlayacağıq. Üçüncü etap isə ən çətinidir. Söhbət leginerlərin transferindən gedir. Boş mövqeləri əcnəbilərlə gücləndirməyi planlaşdırırıq. Lakin bu, heç də asan proses deyil. Legionerin tapılması, sonra futbolçunun özü, meneceri, klubu ilə razılıq əldə etmək lazım gəlir”.

İbrahim CƏFƏROV

Futbolxeber.az-ın teleqram kanalına abunə olun