“Səbail” Ərzurumda 3 yoxlama oyunu keçirəcək

“Səbail”in hazırlıq planı müəyyənləşib.

Futbolxeber.az saytına bu barədə komandanın baş məşqçisi Şahin Diniyev məlumat verib.

O, iyulun ilk günü hazırlıqlara başlayacaqlarına bildirib: “İyulun 1-də Bakıda yığışacağıq. İlk həftəni Bakıda hazırlıq keçəcəyik. Komanda gündə 1 dəfə məşq edəcək. Ola bilər ki, iyulun 6-da yoxlama oyunumuz olsun”.

Təcrübəli mütəxəssis qeyd edib ki, daha sonra komanda Türkiyəyə yollanacaq: “Hazırlığın ikinci mərhələsini Ərzurumda keçəcəyik. Təlim-məşq toplanışı 8-22 iyul tarixlərini əhatə edəcək. Hazırlıq müddətində 3 yoxlama oyunu olacaq - iyulun 15-i, 18-i və 21-də. Lakin hələlik rəqiblərin adları məlum deyil. Rəqibləri yerində müəyyənləşdirəcəyik”.

Futbolxeber.az-ın teleqram kanalına abunə olun