"Oyun əlavə vaxta gedəndə hiss edirdim ki, qalib gələcəyik"

"İnamımız həmişə var idi. Həm çempionatda, həm də kubokda istəyimizə çatdıq".

Futbolxeber.az saytına açıqlamasında bu sözləri "Qəbələ"nin vitse-kapitanı Murad Musayev Azərbaycan kubokunu qazanmaqları barədə danışarkən deyib.

O bildirib: “Kubokun finalında "Neftçi" ilə oynamaq bizim üçün gözəl hiss idi. Kuboku qazanmaq isə tamamilə başqa hissdir. Mənim üçün çox önəmli idi. Mən bu klubun yetirməsiyəm. Arzum idi ki, bu klubla bir uğurum olsun. Buna görə çox xoşbəxtəm. Ortada bir titul var idi. Əvvəldən hər iki komanda üzərində təzyiq var idi. Amma matç başlayanda o təzyiq itmişdi. Matç əlavə vaxta gedəndə hiss edirdim ki, qalib gələcəyik".