Millimiz Moldovaya qalib gəldi

Bu gün Azərbaycan milli komandası növbəti oyununa çıxıb.

Futbolxeber.az saytının məlumatına görə, Canni de Byazinin komandası səfərdə beynəlxalq yoldaşlıq görüşü çərçivəsində Moldova ilə qarşılaşıb. 

Birinci hissədə rəqib qapısına 2 dəfə yol tapan millimiz meydanı qələbə ilə tərk edib. Bununla da Azərbaycan millisi ardıcıl dördüncü qələbəsini qazanmaqla, tarixdəki ən yaxşı göstəricisinə imza atıb.

Qeyd edək ki, Azərbaycan millisi noyabrın 20-də isə Şimali Makedoniyanın qonağı olacaq.

Beynəlxalq yoldaşlıq oyunu

16 noyabr

Moldova - Azərbaycan - 1:2

Qollar: Emin Mahmudov, 28 (0:1), Aleksey İsayev, 42 (0:2), Nikita Mospan, 90+2 (1:2)

Baş hakim: Denis Şurman (Ukrayna)

Kişinyov. “Zimbru” stadionu