Gürcü menecer: "Vaxtanq Azərbaycanın bütün klubları üçün maraqlı idi"

Gürcüstan milli komandasının üzvü Vaxtanaq Çanturaşvilinin karyerasını Azərbaycanda davam etdirə biləcəyi xəbərləri dolaşırdı. Futbolçunun meneceri Mixail Xutsişvili Futbolxeber.az saytına açıqlamasında bunu təsdiqləyib.

Amma o, futbolçusunun Avropada qalmaq istədiyindən “Jlin”lə müqavilə imzaladığını bildirib: “Vaxtanqın xidmətində Türkiyə, Qazaxıstan və Azərbaycan klubları maraqlı idi. Azərbaycandan hansı klub maraqlanırdı? Demək olar ki, Vaxtanq hamısı üçün maraqlı idi.

Amma düzünü desəm, konkret təklif yox idi. Azərbaycana nəyə görə gəlmədi? Çünki Avropada qalmaq istəyirdi. Konkret klub adı çəkə bilmərəm, sadəcə onu deyə bilərəm ki, Vaxtanqa Azərbaycandan maraq var idi. Avropada qalmaq istədiyinə görə “Jlin”lə müqavilə imzaladı”.