Millimizin üzvü Superliqada oynaya bilər

Azərbaycan milli komandasının müdafiəçisi Ufuk Budak karyerasını Azərbaycan Premyer Liqasında davam etdirməyəcək.

 

Futbolxeber.az saytının məlumatına görə, Budakın Premyer Liqamızda oynamaq variantı ortaya çıxsa da, o, buna isti baxmayıb və Türkiyədə oynamaq istədiyini dilə gətirərək təklifdən imtina edib.

 

Saytımıza daxil olan məlumata görə, sol cinah müdafiəçi karyerasını Türkiyə Superliqasında davam etdirəcək. Hazırda “Boluspor” forması geyinən 28 yaşlı müdafiəçi “Alanyaspor”a keçəcək. Bu keçidin yayda baş tutacağı gözlənilir. Belə ki, hazırda Superliqa klubunun baş məşqçi postunda qərarlaşan Sərgən Yalçın müdafiəçinin sol cinahına Ufuku cəlb etmək istəyir. “Boluspor”la 2020-ci ilə qədər müqaviləsi olan Budak üçün “Alanyaspor” müəyyən məbləğ də ödəyəcək.