8 May 2026, Cümə
PFL-in çempionluq sevinci
Ninkoviçin qolu ayın ən yaxşısı seçildi
Ronaldo 971-ci qolunu vurdu
XXXI turun hakim təyinatları

Ölkə futbolu

Emin Mahmudov: "Yeni transferlər kömək etsələr, daha rahat olacaq"

Şriftin ölçüsü: Şrifti böyüt Şrifti kiçilt
10.02.2019 20:03
"Neftçi" Azərbaycan Premyer Liqasının 16-cı turunda evdə "Keşlə"yə 2:0 hesabı ilə qalib gəlib.
 
Futbolxeber.az saytının məlumatına görə, komandasının qələbə qollarını vuran Emin Mahmudov jurnalistlərə müsahibə verib:
 
- Rahat qələbə qazandınız, yoxsa kənardan elə göründü?
- Elə də asan olmadı. Qolları daha erkən vura bilərdik. Rəqib də bir neçə fürsət yaxaladı. Əgər fərqlənsəydilər, oyun başqa məcrada keçəcəkdi.
 
- “Keşlə”nin futbolçuları penalti epizoduna etiraz edirdilər.
- Açığı, bu epizodu heç görmədim. Qarşımı oyunçu kəsmişdi.
 
- Penaltini iki dəfə vurdun. Düşünmədin ki, Kamran yenə həmin küncə tullanacaq?
- Düşünmədim, necə fikirləşirəmsə elə də vururam. Penaltidə özünə inanmalısan. Mən də özümə inandım, vurdum.
 
- Çempionluq uğrunda gərgin mübarizə gedir. “Neftçi” sona qədər bu mübarizəni apara biləcək?
- Bunu ancaq çempionat göstərəcək. Hər oyuna yaxşı hazırlaşırıq. Bizə çətin olacaq. Bəlkə onlara da çətin oldu. Dünən “Qarabağ” “Sumqayıt”a asan qalib gəlmədi. İkinci qolu matçın son dəqiqələrində vurdular. Biz də bu gün “Keşlə”ni çətin yendik. Hər oyun çətin keçəcək. Çalışacağıq ki, sona qədər mübarizə aparaq.
 
- “Qarabağ”la oyun sizə özünəinam verib?
- Biz daha öncə də özümüzə inanırdıq. “Qarabağ”a qarşı necə oynayacağımızı bilirdik. İnanmasaydıq, bu tempdə getməzdik. Çalışırıq ki, daha yaxşı oynayaq. Bizdə stabillik çatmır. “Qarabağ” çempionatda və avrokuboklarda sabit çıxış edir. Bizə belə stabillik lazımdır.
 
- Növbəti tur elə də yaxşı vəziyyətdə olmayan “Zirə”nin qonağı olacaqsız. Üç xalı qazanacağınızı düşünmək olar?
- “Zirə”nin vəziyyəti yaxşı deyil, amma bizimlə evimizdə 2:2 hesablı heç-heçə etdilər. 2:1 hesabı ilə qalib gəldiyimiz oyunda da bizə çətinlik yaratmışdılar. Heç-heçə etdiyimiz oyunda da sonuncu yerdə qərarlaşmışdılar. İndi səfərdə oynayacağıq. “Zirə” bizə bir qədər də çətinlik yaradacaq.
 
- “Neftçi”yə Tərlan Əhmədovun vaxtında gəlmişdiniz. Bu gün onun çalışdırdığı komandaya iki qol vurdun. Onun adına üzülmədin?
- Onunla bu gün görüşdüm, hər zaman salamlaşırıq. Çünki münasibətlərimiz yaxşıdır. Çox sağ olsun, bura gətirdi, oynatdı və mən də özümə gəldim. 
 
- “Neftçi”nin yeni transferləri barədə müsbət fikirlər səslənir. Mövsümün ilk yarısındakı “Neftçi” güclüdür, yoxsa indiki?
- Bunu oyunlar göstərəcək. Hər oyunçu özünü başqa çempionatda göstərə bilməz. Deməzdim ki, Kvame Karikari çox pis idi, sadəcə, burda alınmadı. Başqa çempionatlarda bəlkə də yaxşı alınacaq. Yeni transferlərə isə inamımız böyükdür. İnanırıq ki, bizə çox xeyir verəcəklər.
 
- Çempion olmaq üçün gücünüz var? Yoxsa hələ oyununuz güclənməldir?
- Oyunlar göstərəcək. Bir-iki oyun keçib. Hələ çox matç qalıb.
 
- Həm “Neftçi”yə, həm də “Qarabağ”a yeni transferlər çempionluq uğrunda kömək edə biləcəklər?
- Əlbəttə, yeni transferlər kömək etsələr, daha rahat olacaq. Yeni transferlər kömək üçün alınıb.

Xəbəri paylaş






Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  





Ölkə futbolu

I Liqada 26-cı turun oyunlarının başlama vaxtı açıqlandı

Ninkoviçin qolu ayın ən yaxşısı seçildi

Rəşad Sadıqov: “Əlimizdən gələni edəcəyik ki, finalda sevinən tərəf olaq”

Azərbaycan Kuboku: 30 final, 289 463 tamaşaçı

Premyer Liqamızda 31-ci tur start götürür

“Cəbrayıl” - “Baku Sportinq” matçında 5 qol

Orxan Məmmədov: “Ümid edirik ki, finalda hakim səhvi olmayacaq” - ÖZƏL

“Neftçi”: mövsümün son ev oyununun biletləri satışda

Çox oxunan xəbərlər

  1. “Cəbrayıl”ın tapıntısı: “Daha da yaxşı olmaq üçün dayanmadan çalışıram”
  2. Fazil Mustafa: “Qarabağ” çempionluğu “Kəpəz”ə uduzanda əldən verdi”
  3. “Səbail”də yeni sponsor?
  4. “Neftçi”nin oyunlarında 5 il əvvəl də VAR yox idi, indi də...
  5. Millimiz Gürcüstana məğlub oldu
  6. 3 kluba 1 stadion – AFFA-nın “inkişaf strategiyası” budur?
  7. Dəhlizdəki videodan şərhlərdəki trollaradək
  8. Kölgədə qalmaq
  9. İfeanyi Metyu: “Bu gərgin qrafikdə azarkeşlərin dəstəyinə çox ehtiyacımız var”
  10. FİFA-nın "Neftçi"nin cəzalandırmasının səbəbi bilindi - EKSKLÜZİV
  11. Etirazın cəzası məlum oldu - 15 min manat
  12. Qara Qarayev UEFA B kateqoriyalı məşqçi kursunda
  13. “Neftçi” üçün vacib oyunöncəsi şad xəbər
  14. “Sabah” “Qarabağ”dan qisas alır - Zuddasa qarşılıq Yankoviç
  15. “Neftçi” böyük sıçrayış edib, halbuki qışda hamı mövsümün boşa getdiyini deyirdi”

Arxiv

May 2026
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31