"Şerif"in kapitanı: "Qarabağ"ın qrupda yaxşı nəticələr qazanacağını düşünürəm"

"Şerif"in kapitanı Matteo Susiç Futbolxeber.az saytına açıqlama verib.

Stoper "Şerif"in  ötən mövsüm Çempionlar Liqasının təsnifat mərhələsində, bu mövsüm isə Avropa Liqasının pley-off mərhələsində "Qarabağ"a tab gətirə bilməmələrindən danışıb. Bununla yanaşı gələcək üçün Azərbaycan Premyer Liqasında oynamaq haqda düşündüyünü söyləyib:

"Qarabağ"la həm ötən mövsümki oyunumuz, həm də bumövsümki görüşümüz çox yaxşı yadımdadı. Hər iki görüşdə də "Qarabağ"ı dayandırmaq istəyirdik. Ancaq təəssüf ki, bu istəyimiz baş tutmadı və növbəti mərhələyə "Qarabağ" adladı. "Qarabağ"ın qrupda yaxşı nəticələr qazana biləcəyini düşünürəm.

"Qarabağ", "Qəbələ", "Neftçi" klublarını tanıyıram. "Qarabağ"la görüşlərdə də Azərbaycanda oldum. Azərbaycanda oynamaq istəyərdim. Iddialı klublarda oynamaq olardı".