“Qarabağ”ın növbəti rəqibi nə vaxt müəyyənləşəcək?

“Qarabağ” “Şerif”i mübarizədən kənarlaşdırmaqla UEFA Çempionlar Liqasında pley-offa adladı.

Futbolxeber.az saytının məlumatına görə, Ağdam klubunun növbəti rəqibinin adı avqustun 4-də məlum olacaq. Məhz cümə günü pley-off mərhələsinin püşkü atılacaq.

Lakin hələlik nə çempionumuzun rəqibləri, nə də “Qarabağ”ın püşk zamanı səpələnmişlər, yaxud səpələnməmişlər arasında yer alacağı məlum deyil.

Qeyd edək ki, sabah keçiriləcək 14 oyunla Çempionlar Liqasında pley-offun bütün iştirakçılarının adı məlum olacaq.