Sabiq kapitan “Bakı”ya qayıtdı

Bir müddətdir klubsuz olan Cəmşid Məhərrəmov sabiq klubu “Bakı”ya qayıdıb. Futbolxeber.az-ın məlumatına görə, təcrübəli futbolçu hazırda “zolaqlılar”ın düşərgəsində məşq edir. Onun komandada qalıb-qalmayacağı bu gün dəqiqləşəcək.

Xatırladaq ki, 2007-ci ildə “Bakı”ya transfer olunan Məhərrəmov, uzun müddət klubda çıxış edib. Komandayla birgə 1 dəfə ölkə çempionu olan, 2 dəfə kuboku qazanan Məhərrəmov son 2 ilində hətta “Bakı”nın kapitan sarğısını da daşıyırdı. Lakin Bojidar Bandoviçin vaxtında o, komandanı tərk edib.

Hazırda “Bakı”nın kapitanı olan Aqil Məmmədov isə klubu tərk edə bilər. Onun komandadan gedib-getməyəcəyi bu gün bəlli olacaq.