Maradonanın DÇ-1986-da əllə qol vurduğu top 3,35 milyon dollara satıldı

1986-cı il dünya çempionatının 1/4 finalında Argentina ilə İngiltərə arasında keçirilən oyunda (2:1) Dieqo Maradonanın “Tanrının əli” qolunu vurduğu futbol topu hərracda 3,35 milyon dollara satılıb.

Futbolxeber.az saytının məlumatına görə, bu barədə “Goal” yazıb.

Artefakt avqustun 22-də “Heritage Auctions” hərracında satışa çıxarılıb. Lotun ilkin qiyməti 2,5 milyon dollar olub. Maradona bu topla mübahisəli şəkildə əli ilə qol vuraraq hesabı açıb, 4 dəqiqə sonra isə möhtəşəm fərdi keçidlə daha bir qol vurub.

Lotun əvvəlcədən 10 milyon dollara qədər qiymətləndiriləcəyi gözlənilsə də, yekun məbləğ rekorda çatmayıb.

Xatırladaq ki, Maradonanın həmin oyunda geyindiyi forma 2022-ci ildə 9,3 milyon dollara satılıb.