Qvardiola Premyer Liqada yeni rekorda imza atdı

İngiltərə Premyer Liqasının 20-ci turunda “Mançester Siti” “Vest Hem”i 4:1 hesabı ilə məğlub edib.

Futbolxeber.az saytının “Squawka”ya istinadən verdiyi məlumata görə, bu, ispan mütəxəssisin Premyer Liqa oyunlarında “Vest Hem”ə qarşı keçirdiyi 18-ci matç olub. Bu qarşılaşmaların heç birində rəqibinə uduzmayan “şəhərlilər” 16 qələbə qazanıb ki, bu nəticə ilə Qvardiola İngiltərə Premyer Liqasında yeni rekord imza atıb. Belə ki, daha əvvəl heç bir məşqçi eyni rəqibə qarşı bu sayda məğlubiyyətsiz oyun keçirməyib.

Qeyd edək ki, hazırda “Mançester Siti” 34 xalla turnir cədvəlində altıncı yeri tutur.