Ronaldo “Qızıl top”un səsverməsində 1 xal belə qazanmayıb

“France Football” jurnalı “Qızıl top” uğrunda səsvermənin yekun siyahısını dərc edib.

Futbolxeber.az saytının məlumatına görə, diqqətçəkən məqam “Mançester Yunayted”in hücumçusu Kriştianu Ronaldonun səsvermə zamanı 1 xal belə qazanmamasıdır.  

37 yaşlı futbolçu 0 balla 20-ci olub.

Ronado ilə yanaşı, daha 11 futbolçu da xal üzünə həsrət qalıb. Bunlar Harri Keyn (“Tottenhem”), Trent Aleksander-Arnold, Darvin Nunyes (hər ikisi “Liverpul”), Fil Foden, Bernardu Silva, Joau Kanselu (hamısı “Mançester Siti”), Yozua Kimmix (“Bavariya”), Mayk Menyan (“Milan”), Kristofer Nkunku (“Leyptsiq”) və Antonio Ryudrigerdi (“Real”).

Xatırladaq ki, “Qızıl top”u “Real”ın hücumçusu Kərim Benzema qazanıb. 93 jüridən 89-u fransız forvardı birinci yerə layiq görüb.