Robben “Qalatasaray” haqqında danışıb

“Bavariya”nın hollandiylı yarımmüdafiəçisi Arien Robben açıqlama verib. Futbolxeber.az-ın məlumatına görə, futbolçu son vaxtlar “Bavariya”dan ayrılıb, “Qalatasaray” və ya “İnter”ə keçəcəyi haqqında yayılan xəbərlərə aydınlıq gətirib: “Mətbuat, bir gün “Qalatasaray”a, bir gün “İnter”ə keçəcəyimi yazır. Bunlar hamısı dəlilikdi. Hazırda planlarımda heç bir transfer məsələsi yoxdur. Bu dəqiqə ağlımda, fikrimdə olan qarşımızdakı “Hamburq” və “Yuventus”la oyundu. Mənim vəzifəm və hədəfim bu oyunları düşünməkdi. Mətbuatı da başa düşürəm, dedi-qodular, şaiyələr futbol dünyasının bir hissəsidi. Ona görə də haqqımda gəzən belə boş söz-söhbətə görə əsla əsəbləşmirəm. Əgər hər hansı bir klub mənimlə maraqlanırsa, bu mənim üçün şərəfdi. Bu işə hörmətlə yanaşıram”.